Caloosa
Well-Known Member
Jlöhbernches öwerall
Weihnachte es och nimieh dat, wat et emol wor. Fröher hät et bloß eene Stähn jejäwe, dä denne drei Majestäte ussem Morjeland jesaht hät, wo et langs jeng.
Hütt kannste dech öwerall ene Pöngel vun Jlöhbernches – wat sar ech – e Füerwerk vun Illuminazzjohne bekicke, die däm Rudolf, dat es dat dolle Renndier met de rode Nos, zeije, wohen et däm Santa Claus sinne Schledde trecke moss. Hüttzedach kannst kicke, dat usjerechnet die Lütt, die erjenswie e beske ongerbeleuchtet send, dat kompenseere donnt met enem Hoope Meggawatt öm sech eröm. Do brenne also Pöngele vom Jlöhbernches en de Bösch em Vörjahde, Lechterkette send sech wie en Boa Constructa dörch de Bloomebeete am schlängele on rengele on öm all de Fensterkes on öm et Dach vom Huus send sojah sößktischije Kallbongbong-Lämpkes am jlöhe wie jeck on doll. Beste eemol am Kabel am hänge, moss et jedes Johr als widder e beske mieh sin. Wenn de Frau Schluppemann vun näwe aan em Noherbhuus sech ene Jlöhbernches-Deu andeht, do moss mr selwer jo trek ene Tick mieh han, also driessech Watt mieh drop. Denn mer stronze nit, mer hant! Nu süht et owends bei ons em Jahde us, wie wemmer e Konzert vun däm Kawenzmann-Pavarotti op’m Pitterplätzke en Rom enszeneere wollden. De janze Nohberschaff es sech schon dr Sonnebrell am opsetze, wemmer owends ons herrleche Weihnachtsilluminazzjohn aanmake. Bloß kinne Neid, mr moss jo och jönne könne.
Jrad han ech spetz gekritt, dat minne Nohber ussem Reihehuus op de linke Sitt, da Primelbecks Pitter, sech so ene rösije Fassadekledderer em knallrode Badepalletoh mem kastanijebrunge Säckske op’m Rögge aan et Dach jehängt hät. Jo isset denn? Dat mäkt mech doch janz wibbelech! Dä kritt äwer direktmang vun mech eene drop. Ech koof mech nu ene Weihnachtsmann em wisse Mäntelche met enem jüldene Jörtel, en joldene Nickelbrill op de Nas, dä dann bei mech dat Huus an eropklömpe es on dat Hailait es dann ene Engel em wisse Hemp, dä owe op’m Dach op en Harf janz us Jold am erömzuppe es on speele deht: Ech weeß nit, wat soll es bedüüde....
Weihnachte es och nimieh dat, wat et emol wor. Fröher hät et bloß eene Stähn jejäwe, dä denne drei Majestäte ussem Morjeland jesaht hät, wo et langs jeng.
Hütt kannste dech öwerall ene Pöngel vun Jlöhbernches – wat sar ech – e Füerwerk vun Illuminazzjohne bekicke, die däm Rudolf, dat es dat dolle Renndier met de rode Nos, zeije, wohen et däm Santa Claus sinne Schledde trecke moss. Hüttzedach kannst kicke, dat usjerechnet die Lütt, die erjenswie e beske ongerbeleuchtet send, dat kompenseere donnt met enem Hoope Meggawatt öm sech eröm. Do brenne also Pöngele vom Jlöhbernches en de Bösch em Vörjahde, Lechterkette send sech wie en Boa Constructa dörch de Bloomebeete am schlängele on rengele on öm all de Fensterkes on öm et Dach vom Huus send sojah sößktischije Kallbongbong-Lämpkes am jlöhe wie jeck on doll. Beste eemol am Kabel am hänge, moss et jedes Johr als widder e beske mieh sin. Wenn de Frau Schluppemann vun näwe aan em Noherbhuus sech ene Jlöhbernches-Deu andeht, do moss mr selwer jo trek ene Tick mieh han, also driessech Watt mieh drop. Denn mer stronze nit, mer hant! Nu süht et owends bei ons em Jahde us, wie wemmer e Konzert vun däm Kawenzmann-Pavarotti op’m Pitterplätzke en Rom enszeneere wollden. De janze Nohberschaff es sech schon dr Sonnebrell am opsetze, wemmer owends ons herrleche Weihnachtsilluminazzjohn aanmake. Bloß kinne Neid, mr moss jo och jönne könne.
Jrad han ech spetz gekritt, dat minne Nohber ussem Reihehuus op de linke Sitt, da Primelbecks Pitter, sech so ene rösije Fassadekledderer em knallrode Badepalletoh mem kastanijebrunge Säckske op’m Rögge aan et Dach jehängt hät. Jo isset denn? Dat mäkt mech doch janz wibbelech! Dä kritt äwer direktmang vun mech eene drop. Ech koof mech nu ene Weihnachtsmann em wisse Mäntelche met enem jüldene Jörtel, en joldene Nickelbrill op de Nas, dä dann bei mech dat Huus an eropklömpe es on dat Hailait es dann ene Engel em wisse Hemp, dä owe op’m Dach op en Harf janz us Jold am erömzuppe es on speele deht: Ech weeß nit, wat soll es bedüüde....
Zuletzt bearbeitet: